صادفتها صدفه

من طرف **العسلي** الأربعاء أغسطس 22, 2007 5:33 am

صادفتها صدفه بمستوصـف القمـة
بالعين راعيتهـا لحظـه وترعانـي
شميت أنا عطرها ويا بخت من شمه
يدوخ ويسكر ولو ماهـو بشربانـي
قمـت أتذكـر زمـان فـات وألمـه
لاعـادهـالله نصيـبٍ يـوم ودانـي
هلت دموع العيون ولا بقـى غمـه
مما جرى لي نسيـت آلام الأسنانـي
معها أخوها رفع يـده علـى فمـه
كنـه يقـول الله الستـار ياقـانـي
نفس الملامح ويشبـه دمهـا دمـه
سبحان ربٍ خلقهم دعـج الأعيانـي
يدري بحبـي وتـدري أمـه وعمه
حال القدر بيننـا والحـب سلطانـي
يبكي ويمسح دموع عيونـه بكمـه
يبكي علشانها ويبكي علـى شانـي
والله يالولا الحيـا والديـن لأضمـه
واسمِعه شهقةٍ مـن قلـب شفقانـي
والحب بلوى ومنها النـاس مهتمـه
وش حيلتي والغضي دمي وشريانـي
جسمي يروح ويجي والقلب من يمـه
القلـب عنـده يبيـه ولايبـي ثانـي
أقسم بربي وأنا لـي مذهـب وذمـه
لأعيش أحبه ولو حبه علـي جانـي
شربت كأس الهوى ورويت من سمه
مامت وارتحت ولاهو باللي أحيانـي
أضحك مع الناس والأحزان منضمـه
كني سعيد وأنـا مبلـي بالأحزانـي
عندي وصية وتالي الهـرج يايمـه
الموت حق على القاصي مع الدانـي
وإن صرت فوق النعش والناس ملتمه
مرو على بيتها وتشـوف جثمانـي
قولولها الموت زمّ صويحبـك زمّـه
مامات حبه ولو هو بالنعـش فانـي
شلناه إلى المقبره وادعي له القمـه
خوذي ثوابه وجودي له بالإحسانـي
يالله يالمقتـدر ياكـاشـف الغُـمّـه
تفرج لمـن حالتـه دومٍ بنقصانـي

من طرف دانه الأربعاء أغسطس 22, 2007 6:49 am

صح لسااااااااااااااااااااانك خيوووووووو

الله يعطيك طولت العمر وكل يوم رح لمستوصف القمه عشان نشوف ابداعاااتك>>تمزح

كلمااااات روووووووووووووعه وتدخل القلب دايركت..

من طرف **العسلي** الخميس أغسطس 23, 2007 2:10 am

تسلمين دانه

الله يعطيك العافيه

مشكورررره على المرور

من طرف **الحل الصعبR** السبت يناير 19, 2008 3:06 pm

ان شاء الله حالتك دوووووووووووووم بزيادة وبصحة وعافية وليس في نقصان

كما في البيت الاخير
سلمت الايادي على هذا الابداع المتميز

صادفتها صدفه

صادفتها صدفه

رد: صادفتها صدفه

رد: صادفتها صدفه

رد: صادفتها صدفه