يابنت لا تبكين باكــر تموتين

من طرف **العسلي** الثلاثاء يناير 15, 2008 6:34 pm

قصيده رائعه أتمنى من الجميع قراءتها

يابنت لا تبكين باكــر تموتين
كلن على الميعاد يتبع ركابه

الموت حق ولا من الموت ناجين
والفايز اللي ناجين من عذابه

مير ادعي اللي له عباد مطيعين
الواحد اللي مابعد صك بابه

يغفر ذنوب اللي فقدتي تحبين
إدعيلها والله سريع الإجابه

ياسعد عينه راح عمره على الزين
راحت شريفه ماأحدن جا حتسابه

والحمدلله ماوراها بزارين
ربت عيال ياصلون القرابه

عسى مقره بين ورد البساتين
يالله يالمعبود خفف حسابه

والموت ما يترك ضعيف وقويين
حتى نبي الله رحل والصحابه

والموت ماشين زعيم السلاطين
اللي شيوخ القوم كله تهابه

والموت ياخذ رجال مسنين
وياخذ صغير ماهتنا في شباب

والموت ما فك الرجال الحريصين
اللي على ماقيل مثل الذيابه

والموت ماخلى الدبش والمساكين
وياخذ شجاع بلقاء ينتخى به

والموت ما خلى البنات المزايين
اللي خدوده بالدجى ينسرى به

والموت حاصل لو حلالك ملايين
ولا ضعيف ساكنن في خرابه

أحدن يجيه الموت ضربه بسكين
واحدن يموت ولا تبين صوابه

واحدن يجه الموت بين المصلين
واحدن يشيله مغرمن بالربابه

وأحدن بطول العمر يصبح مليعين
وأحدن بطول العمر يكثر ثوابه

وأحدن حصاة موتته تسعد العين
وأحدن فقيده صالحن واسفابه

وترى الحظيظ اللي مسك سكة الدين
وراحة حياته والخطا ما وطى به

وصلاة ربي عد مايثمر التين
وإعداد ماهل المطر من سحابه

الشاعر/ صالح البطحي

من طرف **الحل الصعبR** السبت يناير 19, 2008 4:51 am

قصيدة رائعة رائعه تستحق القراءة

سلمت الايادي اخي العسلي
بس حلوة هذيوأحدن بطول العمر يصبح مليعين

يابنت لا تبكين باكــر تموتين

يابنت لا تبكين باكــر تموتين

رد: يابنت لا تبكين باكــر تموتين