قصيده تعور القلب

قصيدة تعور القلب


هذه القصيدة منقولة ارجوا ان تكون بها الفائدة والعبرة لكل انسان يقرئها فقائل هذه الكلمات للاسف مدمن مخدرات وتعرفون مامعنى ان يكون الانسان مدمنا على العادة السيئة التى تؤدى الى الدمار والهلاك والضياع
لقد سرد هذه الابيات ندما وتاسفا على ماضاع من عمرة وزهرة شبابة افناها بالضياع والتياه والانحطاط ولكن هذا الندم جاء بعد فوات الاوان


واليكم هذه الابيات :





يايمة منتهي جيتج وطالب منج الغفران
أقبل قاعة أقدامج واغسلها بدمعاتـــي
يا يمة كل مافيني يناديلج أنا ندمـان
طلبتج قولي سامحتك ردي لوجهي بسماته
انا ادري قلبج الطيب كسرته بصدمة النكران
غلطت وغلطتي هذي تعير كل غلطاتـــــي
تشوفي الشيب يايمة ترى ما جا وانا فرحان
ورب الذي رفع ذاتك ونزل للردى ذاتي
فقدت الراحة من بعدج فقدت الطيبة والتحنان
بدونج راحتي غاية بيدينج هذي راحاتي
انا بعدج ولاحاجة انا بعدج ترى عميان
أشوف ولا أشوف اللي يوريني مساراتي
انا وسيد الشقا والهم من بعدج غدينا أخوان
يجيب هموم هالعالم ويرميها بمتاهاتي
صدقتي يوم قلتيلي تدين اليوم بس تنــدان
رميتك في بداياتي ورموني في نهاياتي
أنا من شالج بإيده ورماج بأسفل البركان
نخيتيني وطلبتيني ولاحصلتي نخواتي
مثل ماهنتي بعيوني عليهم قلبي يمه هان
رموني وطعتهم فزعه وانا الدمعات فزعاتي
يا يمه لاتظنيني انا من فعلهم زعــــلان
سوات فيج سويتـه وسووا فيني سواتي
يا يمه يلا ظميني ودفيني بهالأحظـــــان
أنا ادري فيج مشتاقه وهمج بس ملاقاتي
يا يمه حيل ظميني أبي أرتاح أنا تعبــان
تعبت اهرب من ذنوبي أبيج آخر مسافاتـــي
أباسمع منج أي كلمة لصوتج مسمعي ولهان
أبسمع يمه بصوتج أبذكر فيـــها نشواتــــي
أشوفج ساكته يمه غفيتي والا أنا غلطــــــان
غفيتي يابعد عمري تعبتي من مواساتي
يايمه يايمه طالبج قومي اذا لي بعيونج شان
أشوف الموت بعيونج عساها تخيب هقواتي
تعالوا يابشر شوفوا أنا محتار أنا تلفان
أنا أمي ماادري وشفيهاانا مدري انا احاتي
شنو؟؟ شنو ؟؟ أمي انا ماتت لا لا ترى غلطان
أنا أمي ماتخليني على حزني ووناتي
أنا أمي قلبها طيب ولايمكن تبجي انسان
أنا أمي ماتبجيني ولا تتمنى آهاتــي
يا يمه صح ما متّي ؟وصح الموت تو ما حان ؟
اذا متّي أنا بعدج بقظي ويل ساعاتـي
يايمه قومي يا يمه وقولي الموت لا ما كان
أنا جيتج وانا ناوي أببدي فيج جناتي
تركتيني ومتّي ليه ؟ تركتيني وأنا غرقان ؟
ولا مسموح ياوليدي ولا تلعنك لعناتي
أنا الجاني وأنا المجني وأنا المخطي وأنا الندمان
وأنا بيدي رميتج إيه وبعثرته ملفاتي
وجيت من الهنا مفلس وقلبي من الضنا خسران
تركتيني على ناريأعدد فيج زلاتي
ولاني بمرضين ربي ولاني تابع الشيطان
أنا بعدج ترى مابين نهاياتي و بداياتي
يايمه منتهي جيتج وكلّي مرتجي غفران
وشفت الناس تلعني وتحذرني من الآتي

الله المستعان
صصيدة مؤثرة
الله يهدي شباب وفتيات جميع المسلمين
الله يكفينا شر المخدرات
مشكور اخي الامبراطور مبدع دائما