--::((قالت وهي تبكي ترى الكل يفداك ))::--

السلام عليكم ورحمة الله وبركاته

هلا والله فيكم

هذي اول مشاركة لي في قسم الشعر والخاوطر

وهي من كتاباتي وان شاء الله تعجبكم

((قالت وهي تبكي ترى الكل يفداك ))

جتني وقالت خذ بقايا هداياك
وهاك الرسايل وأعتبرها نهايه
وخل ذكرياتي والصور دوم وياك
مابيك تنساني وتنسى هوايه
وأستر على ماشفت مني وماجاك
وعساك تذكر ذكرياتك معايه
قلت أسمعي قالت عسى الله يرعاك
ماعاد ينفع ياحبيبي كفايه
صاح الضمير وقال يالزين وش جاك
ودي أعرف اليوم وش خطايه
ودي أعرف اللي حصل لاعدمناك
وش اللي حصل بالضبط وشي الحكايه
قالت (خطبني ) شخص مثلك وشرواك
وأبوي ملكه وحطم منايه
قالت وهي تبكي ترى الكل يفداك
لكن ظروف الوقت زادت شقايه
غصب علي اليوم أوادعك وأجفاك
مجبوره ياقلبي أفض الروايه
لاتعتقد في يوم أنا بقدر أنساك
أنت الوحيد اللي لهالقلب غايه
والقلب صابه وقتها ألف دكاك
والهم أعلن في حياتي البدايه

أخوكم: أمير الذوق